उज्यालो नेपाल पार्टी समावेशी लोकतन्त्र, सुशासन, सामाजिक न्याय र दिगो समृद्धिको लागि स्थापना भएको, परिणाममुखी र जिम्मेवार राजनीतिक शक्ति हो । नागरिकको अधिकार, अवसर र गरिमालाई केन्द्रमा राख्दै हामी हाम्रा गतिविधीहरुमा पारदर्शिता र जवाफदेहितालाई प्राथमिकता दिन्छौं । हाम्रो वैचारिक आधार समुदाय केन्द्रित अर्थतन्त्र, विधिको शासन, बहुसांस्कृतिक राष्ट्रिय एकता र मानवअधिकार रहेको छ ।

राज्य, निजी क्षेत्र र समुदायबीचको सहकार्यलाई राष्ट्रिय प्रगतिको मूल शक्ति मान्दै हामी जलविद्युत्, पर्यटन, प्रविधिमैत्री उद्योग, डिजिटल संरचना र हरित ऊर्जालाई प्राथमिकता दिन्छौं । प्रविधिमैत्री उद्योग, डिजिटल संरचना र हरित ऊर्जालाई प्राथमिकता दिन्छौं । हामी जेन जी आन्दोलनको सकारात्मक ऊर्जा र अपेक्षालाई संस्थागत गर्दै, युवा, महिला, अपांगता भएका व्यक्ति, दलित, आदिवासी जनजाति, मधेशी र सीमान्तकृत समुदायको अर्थपूर्ण सहभागितालाई नीति र बजेटमा वास्तविक प्राथमिकतामा रूपान्तरण गर्ने प्रयास गर्नेछौं ।